गुरूने दिला
|| गुरूने दिला ||
आई माझी गुरु
चालु लागलो तुरुतुरु
बोबडे बोल सुरु
बाबांच्या खांद्यावर फिरू…
शाळा झाली सुरु
गुरुजी झाले गुरु
ग म भ वाचन करू
दप्तर पाठीवर धर.
छडी लागली छमछम
विद्या येई घमघम
वाजले ज्ञानाचे पडघम
खेळात होई दमादम.
गोल वाटला भूगोल
इतिहास भासला खोल
गणिताचे आकडेमोडित मोल
शास्राचा अभ्यास सखोल.
गुरूंचे मार्गदर्शन अनमोल
त्यांनी दिला मंत्र
उडू लागलो आसमंती
श्रमानें झालो श्रीमंत.
प्रदिप मनोहर पाटिल
मु. पोस्ट गणपूर ता. चोपडा
जिल्हा. जळगाव ©️®️
Comments
Post a Comment