🚩 आई माझी संत ✍️

                  !!   आईचं माझी संत  !!

                        केला तिनं संसार 

                       उचलला मज भार 

                       आटवलं रक्त तिचं 

                       सोसून कळा फार.

                        दावली मज सृष्टी 

                        पाजून स्थन पान 

                         पोट भरे छान 

                    तिचा करतो संन्मान.

                      करून दळणं कांडण 

                      रांधे चुलीवर भाकरी 

                        डोळ्यात जाई धूर 

                      आनंदात भासे तरी.

                       ओठी सुमधुर सुर 

                        आई माझी संत 

                        बाप माझा महंत 

                        संसार त्यांचा पंथ.

                        उठे कधी कळेना 

                      झोपलेली ती दिसेना

                       काम तिचं सरेना 

                       अंग कधी  दुखवेना.

                         देव तीच माझी 

                          ठाव तीच घेई 

                        कमी पडेना पाही 

                        स्वतः उपाशी राही.

                       दुनियेत संत अनेक 

                         आई माझी नेक 

                        संस्कार दिले सुरेख 

                       तिचाच प्रदीप लेक. ©️ ®️ @ लागु.

प्रदीप पाटील 

गणपूर ता. चोपडा 

जिल्हा. जळगाव 

पिन. 425108

मो. 9922239055