विवाहात खर्च. ✍️
विवाहातील खर्च
चौकश्या करीत! फिरतो बाप हा!
खर्च तोही पहा! विवाहात!!
गोळा भाऊ बंद! भरती सोहळा!
तो साखरपुडा! बंधनाचा!!
उधळण सुरु! वाद्य वाजे गुरू!
शहणाई सुरु! समारंभ!!
खाणं पिणं खुप ! नाचणं ते गाणं!
हळद लावणं! वाजतच!!
कपडे भारीच! पंगत मोठीच!
भाजीत तरीच! भोजनात!!
फोडतं फटाके! आवाज हृदयात!
भव्य ती वरात! स्वागताची!!
सासर माहेर! साऱ्यांना आहेर!
मंडप बाहेर! अंगणात!!
होई खर्च खुप! पालटे तो रूप!
बदले स्वरूप! त्या घराचे!!
नको अती खर्च! खर्च कमी कर!
नोंदणी सुकर! विवाहाची!!
पाच पाच लोकं! ते दोघं कडचे!
सारे जवळचे! बोलवत!!
जुन्या रूढी मोडु! नेसत ती साडी !
वचनात जोडी! बंधनाची!!
प्रदीप मनोहर पाटील
गणपूर ता. चोपडा
जिल्हा. जळगाव
मो. 9922239055
Comments
Post a Comment