शेवटचा निरोप ✍️
!!शेवटचा निरोप!!
आम्ही जातो आता! निरोप देता का!
शेवटचा हो हा! रामराम!!
सुष्म आत्मा आता! गेला हो सोडुनी!
रिकामं करुनी! देह आता!!
धडधड बंद! निर्जीव शरीर!
ओसाड हो शीर! पार्थिवाचे!!
आता सारी गोळा! भरती सोहळा!
दुःखीत हो मेळा! सांगतात!!
जीवनात लाथा! मेल्यावर गाथा!
पिटतात माथा! गेल्यावर!!
करता अंघोळ! जिवन्त तो घोळ!
घालत हो माळ! शेवटची!
कापतात गळा! भाऊबंद मेळा!
काढून गळा! कुटूंबात!!
कथा जीवनाची! व्यथा जगण्याची!
सांगु का मनाची! सर्वांचीच!!
वाटेत हो काटे! ज्यांनी टाकलेत!
अश्रू का आलेत ! दाखवण्या!!
मन मारे जीव! उतरतो साज!
गेला सारा माज! मृत वेळी!!
जाळ तोच लावी! ज्याच्यावर जीव!
लाकडावर ठेव! हो पार्थिव!!
प्रदीप अभंग! सांगे शेवटचा!
देह हो राखेचा! अनंतात!!©️®️
प्रदीप मनोहर पाटील
गणपूर चोपडा
जिल्हा. जळगाव.
मो. 9922239055
Comments
Post a Comment