जोडी बैलाची ✍️

 जोडी बैलाची

मोऱ्या भुऱ्या जोडी ! हाके गाडी वेडी !

कामाची हो गोडी ! या बैलांना!!1!!

शेती कसे भारी! अन्न मिळे तरी!

मालक हो मारी ! हाकतांना!!2!!

शेतात राबता ! जीवन चालतं!

शोषण ते होतं! मालकाचं!!3!!

मित्र शेतकऱ्या! चौखूर उधळ्या!

गोष्टी साऱ्या खऱ्या! शेतातल्या!!4!!

अन्न दाता दोघं ! खाणं होतं मग!

रक्त पिता सारे! पोटभर!!5!!

फास मालकाला! घास तो जगाला!

बैला सारखाच! आला गेला!!6!!

व्यथा खुप साऱ्या! सणाला सांगतो!

अंतर मनाला! समाधान!!7!!©️®️

प्रदीप पाटील

गणपूर जिल्हा. जळगाव

मो. 9922239055