यात्रा ✍️
!! यात्रा!!
यात्रा ती भरते! आनंद मनात !!
देव देवळात! पूजतात!!
कुल देवी यात्रा! गावात सोहळा
ओढतात गाडा! आनंदात!!
पाळना चक्कर! खेळतात मुलं!
वाहतात फुलं! गावदेवी!!
हवशी नवशी! मजेत जत्रेत!
खेळत मैत्रीत! सारागाव!!
वाजंत्री ढोलकी! मौतका तो कुवा!
मंदिरात बुवा! पूजेसाठी!!
कुस्ती मस्ती खेळ! खाण्यास ती भेळ!
बसवतं मेळ! आनंदाचा!!
छोटी मोठी सारी! देव देव करी !
साडी चोळी भारी! गावदेवी!!
तमाशाचा फड! चर्चा गावभर!
प्रबोधन सार! रंगमंच!!
हसत खेळत! आनंद उधळे!
जागृत सगळे! सोहळ्यात!!
खरेदी ते करी! वस्तूंची वर्ष्याची
यात्रा ती हर्षाची! परिसरा!!
शर्यत रंगात ! आनंदी चेहरे!
जिंकत मोहरे! पैजेतहि!!
प्रदीप मनोहर पाटील
गणपूर चोपडा
जिल्हा. जळगाव.
मो. 9922239055
Comments
Post a Comment